Астана қаласында «Жас Толқын» жастар денсаулығы орталығының психологы ұйымдастырған жүкті әйелдерге арналған арнайы семинар-тренинг өтті. Іс-шара босануға психологиялық дайындыққа арналды және болашақ аналарға қолайлы жағдай жасауға бағытталды.

Семинарға қатысушылар жүктілік және босанумен байланысты түрлі мәселелерді талқылау мүмкіндігіне ие болды. Психолог осы кезеңнің психологиялық аспектілері туралы толық мәлімет беріп, болашақ аналарға туындаған алаңдаушылық пен қорқынышты жеңуге көмектесті, сонымен қатар релаксация және стресспен күресудің тиімді әдістерімен бөлісті.

Босануға психологиялық дайындықтың маңыздылығына ерекше көңіл бөлінді. Семинарға қатысушылар босан кезіндегі ауырсынуды басуға және осы маңызды кезеңде өзін сенімді сезінуге көмектесетін әртүрлі тыныс алу жаттығулары, медитация және визуализация әдістері туралы білді.

Теориялық бөлімнен басқа, семинар барысында болашақ аналар мен олардың серіктестері арасындағы коммуникативтік дағдыларды дамытуға бағытталған практикалық сабақтар өткізілді. Қатысушылар өз тәжірибелерімен бөлісіп, қызықтырған сұрақтарын қою мүмкіндігіне ие болды.

Іс-шараның ұйымдастырушылары жүкті әйелдерге психологиялық қолдау көрсетудің маңыздылығын атап өтті. «Босануға дұрыс психологиялық дайындық болашақ аналарға өзін сенімді сезінуге, алаңдаушылық деңгейін төмендетуге және жүктілік пен босанудың қолайлы өтуіне ықпал етеді», – деп атап өтті «Жас Толқын» жастар денсаулығы орталығының психологы.