"Жас-Толқын" ЖДО психологы Астана қаласы әкімдігінің "№3 қалалық емхана" ШЖҚ МКК қызметкерлеріне "Біртұтас ұжым"тақырыбында тренинг өткізді.

Тренинг барысында маман қызметкерлер арасында командалық жұмыстың, өзара іс-қимылдың және өзара қолдаудың маңыздылығына назар аударды. Қатысушылар бірыңғай команда құрудың теориялық аспектілерімен танысып қана қоймай, командалық рухты нығайтуға бағытталған практикалық жаттығуларға қатысуға мүмкіндік алды.

Тренинг коммуникациялық дағдыларды дамытуға, ұжымдағы сенімді қарым-қатынастарды жақсартуға ықпал етті, бұл өз кезегінде емханада көрсетілетін қызметтердің сапасына оң әсер етеді.

Мұндай іс-шаралар салауатты жұмыс атмосферасын құруда және медициналық мекеменің тиімділігін арттыруда маңызды рөл атқарады.