Созылмалы аурулар және шұғыл медициналық араласуды қажет етпейтін өмірге қауіп төндірмейтін жағдайлар кезінде сізді жоспарлы түрде стационарға емдеуге жіберуге болады.

Емдеуге жатқызу "Емдеуге жатқызу бюросы"порталы арқылы жүзеге асырылады. Алайда, бұл үшін тіркелген жері бойынша емханаға дәрігерге барып, ең аз тексеруден өту қажет. Осыдан кейін дәрігер жолдаманы және сіздің деректеріңізді ауруханаға жатқызу үшін ЕЖБ күту парағына енгізеді. Бұл ретте емдеуге жатқызу күніне дейін емдеуші дәрігердің бақылауын жалғастыру қажет.

Ауруханаға жатқызу кезінде өзімен бірге жеке басын куәландыратын құжатты, сондай-ақ 10 күнтізбелік күннен аспайтын мерзімде талдау нәтижелерін (қанның жалпы талдауы, зәрдің жалпы талдауы, биохимиялық талдау, бактериялық культура) алып жүру қажет.

Жоспарлы емдеуге жатқызудың белгіленген күнінде дәлелді себептермен келу мүмкін болмаған жағдайда емхананың емдеуші дәрігеріне және стационарға хабарлау және емдеуге жатқызуды бір тәуліктен аспайтын мерзімге ауыстыру қажет. Науқас стационарға келмеген жағдайда порталдың күту парағынан жолдама алынады. Жоспарлы емдеуге жатқызу мәселелері бойынша сіз аумақтық емханаға жүгіне аласыз.