Қазан айында ДДҰ сүт безі қатерлі ісігі туралы хабардарлықты арттыру айын жариялады.

Қазақстанда онкологиялық аурулар арасында сүт безі обырымен сырқаттанушылық бірінші орында тұр. Жыл сайын ҚР-да сүт безі қатерлі ісігінің 4 мыңнан астам жаңа жағдайы тіркеледі. Елдегі сүт безінің қатерлі ісігінен 1400-ге дейін әйел қайтыс болады.

Қазақстанда 40 жастан 70 жасқа дейінгі әйелдер емханаларда қолжетімді 2 жылда 1 рет тегін профилактикалық маммографиядан өтуі тиіс.

Барлық әйелдерге жыл сайын маммологтың қарауынан өту ұсынылады.

Егер сіз 40-тан 70 жасқа дейін болсаңыз, онда Сіз тұрғылықты жері (тіркелген жері) бойынша емханада тегін онкоскринингтен өтуіңізге болады.

Егер сіз 40 жасқа дейін болсаңыз, онда сіз ультрадыбыстық зерттеуде сүт бездерін тексере аласыз. Мұндай қызметті емханадан да алуға болады.

Ерте диагноз өмірді сақтайды!