Мерекелік іс-шара аясында, «Менің рәміздерім – менің мақтанышым!» атты жалпы халықтық патриоттық акция-челленджі бойынша бірмезгілде Мемлекетіміздің Әнұраны орындалды. Іс-шара барысында, «Менің рәміздерім – менің мақтанышым!» атты ақпараттық сағат жүргізілді, слайд көрсетілді. «Мен – Қазақстанның патриотымын» атты кітаптар көрмесі ұйымдастырылды.Емхана қызметкерлерінің қатысуымен МемлекеттікТуымыздың жанында естелік сурет түсірілді.Мемлекеттік рәміздеріміздің пайда болуы және тарихтағы маңызы жайлы мәлімет берілді. Емхана қызметкерлерінің Мемлекеттік рәміздеріміз – Туымыз, Елтаңбамыз, Әнұранымыз туралы түсініктері одан әрі нығайтылып, патриоттық сезімдері арта түсті.

Мемлекеттік рәміздерімізді қадір тұту – елімізді, халқымызды, тарихымызды, әдет-ғұрпымызды, салт-дәстүрімізді қастерлеу болып табылады. Сондықтан да, емхана қызметкерлеріне Мемлекеттік рәміздерді қадірлеу – тәуелсіз Қазақстанның әрбір азаматының қасиетті борышы екендігі айтылды. Жас буынға ұлттық құндылықтарды дәріптеуге, Мемлекеттік рәміздерімізді: Туымызды, Елтаңбамызды, Әнұранымызды қастерлеп, құрметтеуге, мақтан тұтуға шақырды.

#ҚРМемлекеттікрәміздерінің30жылдығы
#НұрСұлтанМемлекеттікрәміздеркүні
#Меніңрәміздерімменіңмақтанашым