Контрацепция әдістері. Болашақ ата-аналар үшін алдын-ала дайындықтың маңыздылығы". Студенттерге дәрісті "Жас Толқын" ЖДО гинеколог дәрігері Түсіпбекова Д. М оқыды.

Медициналық дереккөздерде "отбасын жоспарлау" термині "жеке адамдарға, соның ішінде кәмелетке толмағандарға балалардың туылуының саны мен аралығын еркін анықтауға және оған қол жеткізуге болатын құралдарды таңдауға мүмкіндік беретін білім беру, кешенді медициналық немесе әлеуметтік қызмет"ретінде анықталған.

Отбасын жоспарлау әйелдің қалаған балаларының санын, оның ішінде балаларының болмауын, сондай-ақ балалы болғысы келетін жасын қарастыруды қамтуы мүмкін.

Бірақ жүкті болу және балалы болу үшін алдын-ала дайындық қажет.

Бүгінгі таңда жүктілікке дейінгі дайындық-бұл жан-жақты тексеру, дәрігерлердің кеңестері және барлық ықтимал қауіпті жағдайларды ретке келтіру.

Жүктілікке дейінгі дайындық мыналарды қамтиды:
- гинеколог пен терапевт тексеруі;
- зерттеу ОАК, ОАМ, ЭКГ, УДЗ м / т;
- RW, АИТВ-ға тексерілу;
- ЖЖБИ-ға тексеру( көрсеткіштер бойынша), медициналық-генетикалық консультация беру (көрсеткіштер бойынша).

Тағайындалады:
- жоспарлы жүктілік басталғанға дейін 3 ай бойы витаминмен емдеу;
- полипидті ақуыздарға, минералдар мен дәрумендерге бай диета;
- толық ұйқы және демалыс;
- таза ауада серуендеу;
- зиянды әдеттерді, проф. зияндылықты болдырмау;
- күн тәртібі мен тамақтануды сақтау.